Carvalho Calero 2010

Atividades
Acto em Ferrol polo aniversário da morte de Carvalho Calero PDF Print E-mail

PGL – Completadas duas décadas desde a sua morte e um século desde o seu nascimento, a Fundaçom Artábria voltou, como sempre desde o ano 92, a homenagear Carvalho ao pé da sua casa natal, na rua Sam Francisco do Ferrol Velho.

Acompanhárom, na homenagem, representantes de colectivos chegados de fora de Ferrol, como o presidente da AGAL, Valentim Rodrigues Fagim, bem como membros da Gentalha do Pichel e da Fundaçom Meendinho. Também poetas da comarca de Ferrol, como Miguel Vento ou Aurora Varela, que lêrom poemas do homenageado, e nom faltou a música de gaita a cargo de Miguel Neira.

O acto foi apresentado polo professor Maurício Castro, que lembrou como durante anos, da Fundaçom Artábria tenhem reclamado a recuperaçom da casa natal de Ricardo Carvalho Calero, mas nada concreto foi feito até hoje para evitar que acabe por ruir definitivamente.

Outra companheira da Artábria, Pim, lembrou os numerosos motivos para termos reivindicado um Dia das Letras para Carvalho, todos eles vigentes e todos eles insuficientes para umha Real Academia Galega mais sectária que nunca, indigna dos seus fundadores, todos eles defensores, como Carvalho, da unidade lingüística galego-portuguesa.

Tomárom a palavra também o ex-presidente da AGAL, Alexandre Banhos, lendo a "histórica clínica" com que o autor ferrolano definira a situaçom do galego, e o actual presidente da Associaçom, Valentim Rodrigues Fagim, que encorajou as pessoas presentes nom só a resistir, mas também a vencer.

A jornada continuou com um jantar de confraternidade no Centro Social da Fundaçom Artábria, no bairro de Esteiro.

 
Vinte anos sem Carvalho Calero PDF Print E-mail

PGL - Em 25 de março de 1990 falecia em Santiago de Compostela um dos grandes vultos da cultura galega do século XX, Ricardo Carvalho Calero. Em palavras da sua filha Maria Vitória, concluía assim umha «vida densa e austera, dedicada a trabalhar pola Galiza e a sua cultura».

Durante toda a sua vida, Carvalho Calero tivo sempre a Galiza no centro do seu labor, quer no campo literário, quer no científico ou no político. Foi protagonista dos principais acontecimentos do século passado e considerado desde muito jovem umha das figuras centrais da cultura galega. Porém, o seu pensamento crítico e a defesa do reintegracionismo motivárom que nos últimos anos da sua vida sofrera o ostracismo por parte do stablishment cultural-político galego.

Primeiros anos

Carvalho Calero nascera a 30 de outubro de 1910 em Ferrol. Depois dos primeiros estudos numha escola da rua Madalena, estudou no Colégio "Sagrado Coraçom de Jesus", dirigido polo escritor Manuel Comelhas Coimbra, autor da obra dramática Pilara ou grandezas dos humildes, com quem iniciou os seus estudos de latim, e preparou por livre os estudos de Bacharelato.

Read more...
 
Homenagem Nacional a Carvalho Calero o próximo sábado 27 de Março PDF Print E-mail

Artábria - No próximo dia 25 de Março, cumprem-se 20 anos da morte do intelectual Ricardo Carvalho Calero, um dos principais representantes do reintegracionismo lingüístico, além de prolífico autor literário e científico e representante do nacionalismo histórico galego.

Como entidade radicada na cidade natal de Carvalho, a Fundaçom Artábria sempre deu a essa data a importáncia que merece, aproveitando para lembrar a sua obra e reivindicar as suas ideias, através de actos diversos, como a publicaçom de materiais divulgativos, iniciativas municipais e concentraçons ao pé casa em que nasceu, no Ferrol Velho, em 1910.

Este ano, no que se cumpre o centenário do seu nascimento nom vai ser umha excepçom. Junto a outras entidades do nosso País vimos trabalhando num calendário de actividades durante todo o ano 2010, ano de Carvalho Calero. O próximo sábado 27 de Março, dentro destas actividades, realizaremos umha homenagem em frente da sua casa natal que contará com umha oferta floral, diversas intervençons e um recital poético.

Posteriormente celebraremos um jantar de confraternizaçom pola língua no nosso local social. É preciso confirmar a assitência antes da quinta-feira 25, o preço do prato será de 18€. É possível contactar escrevendo para correiodeartabria[arroba]gmail.com.

Read more...
 
Fundaçom Artábria disponibiliza exposiçom foto-textual sobre Carvalho Calero PDF Print E-mail

A Fundaçom Artábria disponibiliza na rede a exposiçom foto-textual dedicada a Carvalho Calero e a sua produçom sociolingüística, estreada no Parque de Belvis de Compostela no passado 25 de Julho, Dia da Pátria.

A exposiçom, intitulada Ricardo Carvalho Calero (1910-1990). O galego é galego-português ou galego-castelhano. Nom há outra alternativa, recolhe diversos textos em que Carvalho se postula como defensor do nosso idioma com umha perspectiva de soberania frente ao bilingüismo e ao isolacionismo promocionados polo regime constitucional espanhol surgido em 1978.

Segundo informa a Artábria, a exposiçom é um «primeiro e modesto contributo» do que será o ano do centenário do nascimento de um «galego universal».

A amostra gráfica, que estará também disponível no centro social da Fundaçom Artábria, é mais umha iniciativa para divulgar a obra e reclamar um Dia das Letras para o professor de Ferrol-Velho.

 


Desenho de: eugeniote
Fotografia da barra lateral da autoria de Moncho Rama